بلغاریا ته ستاسو کورنۍ راوستل

تازه شوي معلوماتو نیټه په: 29.06.2023

کله چې تاسو ته د کډوال دریځ یا فرعي (بشري) خوندیتوب درکړل شي بیا تاسو حق لرئ چې خپله کورنۍ بلغاریا ته راوړئ.

تاسو بلغاریا ته څوک راوستلی شئ؟

• ستاسو میړه یا میرمن او یا اوږد مهاله ملګری

که چیري تاسو څو میرمنې لرئ پدې کې هغه قضیې شاملې ندي او یا ستاسو یوه میرمن لا دمخه په بلغاریا کې ستاسو سره ده. تاسو نشئ کولی د خپلو نورو میرمنو سره یوځای شئ حتی که ستاسو اصلي هیواد کي د څو میرمنو سره واده کول جواز هم ولري.

• په هغه صورتکه  چي ستاسو ماشوم چې د 18 کلونو څخه کم وي او واده شوی نه وي، مګر په خاصو مواردو کې چې د ماشوم اصلی ګټې یا حقوق د هغه یا د هغې اصلي کورنۍ سره تړلي وي.
• ستاسو ماشوم چې عمر یې 18 کاله یا ډیر وي او واده شوی نه وي او یوازې هغه نشي کولی اوسیږي او یا د جدي روغتیایی دلایلو له امله د خپل ځان ساتنه ونشي کولي.
• د هرې میرمنې والدین، یوازې هغه وخت چې دوی د ډیر عمر یا جدي ناروغۍ له امله یوازې ژوند نشي کولی.

   بې سرپرسته ماشومان

که تاسو یو بې سرپرسته ماشوم یاست او نړیوال خوندیتوب ورکړل شوی، تاسو حق لرئ چې له خپلو والدینو سره یوځای شئ. که دوی ورک وي یا مړه شوي وي، تاسو حق لرئ چې د خپلې کورنۍ د بل بالغ غړي سره یوځای شئ.

د کورنۍ د بیا یوځای کیدو لپاره څنګه غوښتنه وکړئ؟

ستاسی غوښتنه د دې پورې اړه لري چې آیا ستاسی کورنۍ اړیکې مخکې له دې چې بلغاریا ته راشي یا وروسته له هغي پیل شوي او تاسومحافظت ترلاسه کړي، د دي لپاره دوه مختلف طرزالعملونه شتون لري:

1. که چیرې کورنۍ اړیکه ستاسو بلغاریا ته د رسیدلو دمخه شتون درلود او مخکې له دې چې تاسو نړیوال خوندیتوب ترلاسه کړئ.

پدې حالت کې تاسو باید:

• په بلغاریا کې د نړیوال خوندیتوب لپاره غوښتنه وکړئ.
• نړیوال خوندیتوب ترلاسه کړئ - کډوال یا بشردوستانه دریځ لپاره
• په بلغاریا کې د کډوالو لپاره د دولتي ادارې د راجستریشن او استوګنې په مرکز کې د کورنۍ د بیا یوځای کیدو لپاره غوښتنه وکړئ، چیرته چې ستاسو د خوندیتوب غوښتنلیک څیړل شوی.

ستاسو د کورنۍ د بیا یوځای کیدو غوښتنلیک کې لاندې موارد شامل کړئ:

• د کورنۍ د غړو نومونه چې تاسو غواړئ بلغاریا ته راوړئ.
• ستاسو د کورنۍ اړیکې په رابطه ثبوت.

د مثال په توګه، تاسو کولی شئ د خپلو ماشومانو لپاره د واده سند یا د زیږون سندونه غوښتنلیک سره شامل کړئ. که دا اسناد شتون ونلري، تاسو کولی شئ یوه بیانیه (اعالمیه) ترتیب او وسپارئ چې نومونه، د زیږون نیټه او د کورنۍ د غړو ځای پکې شامل وي. په یاد ولرئ چې اعالمیه باید د نوټري( هغه کس یا دفتر چی ستاسی د اسنادو د تصدیق صلاحیت ولري) لخوا تصدیق شي.

•  ستاسو د SAR (کډوالو لپاره د دولتي ادارې) پریکړه تاسو ته خوندیتوب درکوي.

د یو وکیل څخه د مرستې غوښتنه وکړئ. نور معلومات دلته اومومي:

قانوني خدمتونه

د مرستې غوښتنه وکړئ

نو ورپسی څه دي اوس چی تاسی غوښتنه کړې؟

کله چې تاسو ته اجازه درکړل شي چې له خپلې کورنۍ سره یوځای شي، د کډوالو چارو دولتي اداره به د بهرنیو چارو وزارت له لارې په هغه هیواد کې د بلغاریا سفارت/قونسلګرۍ ته خبر ورکړي چیرې چې ستاسو د کورنۍ غړي اوسیږي. که چیرې سفارت شتون ونلري، معلومات به د بلغاریا سفارت ته لیږل کیږي چې د هغه هیواد مسولیت لري.

ستاسو د کورنۍ غړي باید بیا سفارت ته مراجعه وکړي ترڅو بلغاریا ته سفر کولو لپاره په پاسپورټونو کې ویزې ترلاسه کړي. که دوی پاسپورټونه ونه لري، د بلغاریا چارواکي باید دوی ته د سفر اسناد (د بلغاریا جمهوریت ته د راستنیدو سند) چمتو کړي.

دلته فیسونه شتون لري چې تاسو یې باید تادیه کړئ:

• د ویزې لپاره - 100 یورو. د 6 کلونو څخه کم ماشومان د دې فیس څخه معاف دي.
• د بلغاریا جمهوریت ته د راستنیدو سند لپاره (د سفر سند) په هغه صورت کې چې ستاسو د کورنۍ غړي پاسپورت ونلري – د هر شخص لپاره 120 یورو.
• بلغاریا ته د رسیدو سره، دوی باید د کډوالو لپاره د دولتي ادارې د ثبت او استوګنې په مرکزونو کې د نړیوال خوندیتوب غوښتنه وکړي.

که چیری زما غوښتنلیک رد شي؟

که چیرې د کډوالو دولتي اداره د کورنۍ د یوځای کیدو لپاره ستاسو غوښتنلیک رد کړي، تاسو کولی شئ د دې پریکړې په 14 ورځو کې دننه د اداري محکمې په وړاندې ستاسو د پته سره سم اپیل یا ستیناف طلبی وکړئ چیرې چې تاسو راجستر یاست. او تاسو به قانوني مرستې ته اړتیا ولرئ څکه چی د اداري محکمې پریکړه د سترې اداري محکمې په وړاندې استیناف کولی شي.

قانوني خدمتونه

د مرستې غوښتنه وکړئ

2. که چیرې کورنۍ اړیکه د تاسو  په بلغاریا کې د نړیوال خوندیتوب د ترلاسه کولو وروسته پیل شوې وي.

دغه کړنلاره په هغه قضیو کې پلي کیږي چیرې چې د کورنۍ غړي د اروپایی اتحادیې څخه بهر د دریم هیوادونو اتباع وي.

په دې حالت کې، تاسو بیا اړتیا لرئ چې په بلغاریا کې کډوال یا بشري حالت ولرئ او لږترلږه د 1 کال لپاره په هیواد کې استوګن یاست. کړنلاره 3 مرحلې لري:

لمړی مرحله : تاسو، د یو کس په توګه چې دمخه په بلغاریا کې اوسیږئ، باید د خپلې کورنۍ سره د بیا یوځای کیدو غوښتنه وکړئ.

د دې کولو لپاره، تاسو باید چې لاندې اسناد په شخصی توګه "د مهاجرت ریاست" یا ОДМВР (د کورنیو چارو وزارت سیمه ایز ریاست) ته ستاسو د پیژند کارت پته یا آدرس سره سم وسپارئ:

1.      د غوښتنلیک ډک شوی فورمه باید د محتویاتو سره سم بیان او ډک شي. د بلغاریا جمهوریت قانون کې د بهرنیانو 14 رسمی اعتبار برخه او د 13 ټکو مطابق فورمه باید ډګ شی او دوی به تاسو ته یوه فورمه درکړي.

2.      ستاسو د کورنۍ د غړي د اعتبار وړ پاسپورټ یا د سفر بل سند د عکس او شخصي توضیحاتو پاڼونه یوه کاپي چې د غوښتنلیک له نیټې څخه لږترلږه 6 میاشتې اعتبار لري.

3.      د خوندي کور شواهد - د کرایې تړون (قرارداد)، او د کور د مالک لخوا یو نوټری شوی موافقه چې ستاسو د کورنۍ غړو ته اجازه ورکوي چې هلته ژوند وکړي.

4.      د ثابت، با اعتباره، او کافي شواهد سره، پرته له دې چې د ټولنیزې مرستې سیسټم ته لاره ومومي، (یعنی د 2023 کال لپاره 780 لیوا ولری)، دغه مقدار لږ تر لږه میاشتني معاش څخه کم نه وي او همدارنګه ستاسی عواید یا درآمد به هیواد کي باید ستاسی د هغه مودي مصارف کفایت وکړي چي تاسي په بلغاریا کي اوسیږي.

په هغه صورتیکه تاسو کولی شئ دا ثابت کړئ،د بیلګې په توګه، د بانک بیان یا ستیتمنت ولري یا د کارکول قرارداد ولري.

5.      ستاسو د کورنۍ د غړي د جرمي ریکارډ سند، چی ستاسو د اصلی هیواد یا ستاسو د مکررآ د استوګنې هیواد لخوا صادر شوی. یوازې د لومړني غوښتنلیک لپاره اړین دی. تاسو باید د مسلکي ژباړونکي لخوا د دې سند تصدیق شوی او قانوني ژباړه چمتو کړئ.

6.      د واده سند یا د زیږون سند. که په بهر کې صادر شي وي، تاسو باید د مسلکي ژباړونکي لخوا تصدیق شوی او قانوني ژباړه چمتو کړئ.

که دوی د هغه سند په پیژندلو کې انکار وکړي چې ستاسو د کورنۍ اړیکې ثابتوي، تاسو کولی شئ د صوفیا ښار محکمې نه وړاندې قانوني اقدام وکړئ.

که تاسو په بهر کې واده کړی وي، ستاسو واده باید د هغه هیواد د قوانینو لخوا پیژندل شوي بڼه ولري. د بیلګې په توګه ټول هیوادونه، مذهبي واده د رسمي قانوني واده په توګه نه پیژني.

7.      د خپل ماشوم سره د یو ځای کیدو لپاره چې 18 کلن یا ډیر عمر لري، باید هغه طبي اسناد چې د جدي روغتیایي دلایلو په هغه قضیو کې چې تاسو غواړئ  شتون ولري او جدي روغتیایی ستونزې وښاي.

کله چې ستاسو د میړه یا میرمن سره بیا یوځای کیږئ، نو تاسو دواړه سره به مرکه وشي ترڅو معلومه کړي چې ایا واده ریښتینی دی او که نه، او دا د استوګنې د جواز ترلاسه کولو یوازینۍ موخه ده.

ستاسو غوښتنلیک د ملي امنیت لپاره د دولتي ادارې او د بهرنیو چارو وزارت د قونسلګرۍ اړیکو ریاست (DCO - MFA) سره د همغږۍ وروسته د یوې میاشتې دننه په پام کې نیول کیږي.

تاسو ته به د پریکړې په اړه په لیکلې توګه په هغه پته کې خبر درکړل شي چې تاسو د تماس لپاره درکړي یا ستاسو د شناختي کارت په پته کې لیکل شوي له همدې امله ، خپل برښنالیک (میل باکس) په منظم ډول چیک کړئ.

که تاسو د خپلې کورنۍ سره د بیا یوځای کیدو څخه ډډه وکړئ، تاسو کولی شئ د دې پریکړې په وړاندې د 14 ورځو دننه د خپلې پتې اداري محکمې ته اپیل وکړئ.

دوهمه مرحله: د ویزې صادرول

که تاسو ته اجازه درکړل شي چې د پریکړې د خبرتیا په 6 میاشتو کې دننه له خپلې کورنۍ سره یوځای شي، ستاسو د کورنۍ غړي باید په شخصي توګه د بلغاریا په سفارت کې د اوږدې مودې ویزې (D ویزې) لپاره غوښتنه وکړي چیرې چې دوی دایمي ژوند کوي.

د 14 کالو څخه کم عمر ماشومانو لپاره د ویزې غوښتنلیک باید د دوی قانوني استازو یا د قانوني استازي په استازیتوب د ماشوم استازیتوب کولو واک لرونکي شخص لخوا وسپارل شي.

د 14 او 18 کلونو ترمنځ ماشومانو لپاره د ویزې غوښتنلیک باید د ماشوم لخوا لاسلیک شي او یا د دوی د قانوني استازو، ساتونکو یا نورو مجاز اشخاصو لخوا لاسلیک شي.

تاسو باید مخکې له دې چې په سفارت کې خپل اسناد وسپارئ د ملاقات وخت ونیسئ.

اړین اسناد:

1.      د ویزې غوښتنلیک فورمه. په بلغاریا، انګلیسي، ترکي، فرانسوي او روسی کې نمونې به تاسو دلته ومومئ.

2.      یو معتبر بهرنی د سفر سند چې لږترلږه دوه خالي پاڼې ولري او په تیرو 10 کلونو کې صادر شوي وي.

3.      د سفر د اسنادو د پاڼو یوه فوټوکاپي چې د شخصي معلوماتو او ویزې لپاره غوښتنه شوې او یا د استوګنې د اجازې یوه کاپي چې د سفر په جریان کې د راتلونکو هیوادونو او د مقصد هیواد لپاره ساتل کیږي .

4.      د غوښتنلیک په وخت کې سکین شوی یا اخیستل شوی عکس.

5.      ستاسو د کورنۍ غړي به لس ځله د ګوتو نښه شي.

6.      هغه ثبوت چی دا وښایی چي  100  یورو د ویزی د فیس لپاره تادیه شوي.

هغه بهرني اتباع چې د ویزې د غوښتنلیک په نیټه یې عمر له 12 کلونو څخه کم وي د ویزې غوښتنلیکونو منلو او پروسس کولو لپاره له فیس څخه معاف دي.

د دې اسنادو سربیره، ستاسو د کورنۍ غړي باید له ځانه سره ولري

7.      هغه پریکړه چې دا وښایی چي تاسو د ملاقات اجازه لرئ

8.      د 1 مرحلې اسناد.

ستاسو د کورنۍ غړي ته د D ویزې ورکولو څخه انکار د اداري محکمې په وړاندې د 14 ورځو دننه استیناف کیدی شي. په دې حالت کې، تاسو باید ثابت کړئ چې ستاسو د کورنۍ ژوند حق تر پښو لاندې شوی.

د مهاجرت په قانون کې د متخصص وکیل څخه حقوقي مرسته ترلاسه کړئ:

قانوني خدمتونه

د مرستې غوښتنه وکړئ

دریمه مرحله: د استوګنې جواز صادرول.

یوځل چې ستاسو د کورنۍ غړی بلغاریا ته د ورکړل شوي ویزې له پای ته رسیدو څخه 14 ورځې دمخه راشي ، نو دوی باید په شخصی ډول اړونده ریاست "مهاجرت" یا ОДМВР (د کورنیو چارو وزارت سیمه ایز ریاست) ته لاړ شي. هغه پته چیرې چې دوی به ژوند کوي او د دوامداره استوګنې جواز لپاره غوښتنه وکړي.

په لومړي پړاو کې وړاندې شوي لومړني اسناد باید ورسره وي:

1. د غوښتنلیک نوی فورمه. دا باید په واضح توګه بیان شي. د بلغاریا جمهوریت قانون کې د بهرنیانو 14 رسمی اعتبار برخه او د 13 ټکو مطابق فورمه باید ډګ شی او دوی به تاسو ته یوه فورمه درکړي.

2. د دوی د اعتبار وړ پاسپورټ یا د سفر سند د پاڼو یوه کاپي سره چې د دوی عکس، شخصي توضیحات، ویزه او هیواد ته د وروستي ننوتلو ټاپه پکې شامل وي. د پاسپورت اصل باید د کاپي تصدیق کولو لپاره هم وښودل شي.

3. اجباري طبي بیمه په بلغاریا کې اعتبار لري.

4. د 150 لیوا د تادیه شوي دولتي فیس ثبوت. فیس 500 لیوا دی که تاسو د هغه بهرني وګړي د کورنۍ غړي یاست چې د ولسمشر لخوا پناه ورکړل شوې وي، لنډمهاله خوندیتوب یا بشردوستانه حالت. فیس د مهاجرت ریاست په ځای کې تادیه کیدی شي.

5. تاسو ممکن اضافي فیس هم ورکړئ (د بیلګې په توګه د غوښتنلیک پروسس کولو لپاره 45 لیوا، 10 لیوا د یوې میاشتې دننه ستاسو د استوګنې کارت صادرولو لپاره، او داسې نور).

د استوګنې جواز د 1 کال مودې  لپاره صادریږي او بیا د نوي کولو وړ دی.

د استوګنې د اجازې ورکولو څخه انکار کول د 14 ورځو دننه اداري محکمې ته استیناف کولی شي. د دې لپاره، د وکیل څخه قانوني مرسته وغواړئ:

قانوني خدمتونه

د مرستې غوښتنه وکړئ

که تاسو پناه غوښتونکي یاست او هیڅ دریځ نلرئ

که تاسو کډوال یا بشردوستانه دریځ نلرئ او ستاسو د کډوالۍ کړنلاره لاهم روانه ده، تاسو کولی شئ د اروپایی اتحادیې په بل هیواد کې ستاسو د محافظت غوښتنلیک وڅیړئ چیرې چې تاسو د کورنۍ غړي لرئ ، هغه :

• کډوال یا بشردوستانه دریځ ولري او له همدې امله په بل غړي هیواد کې د پاتې کیدو اجازه ولري.
• په بل غړي هیواد کې د خوندیتوب غوښتنه کړې او د دوی د غوښتنلیک په اړه لاهم پریکړه نه ده شوې.

د کورنۍ غړي چې تاسو ورسره یوځای کیدی شی دا دي:

• ستاسو میړه ، میرمن یا ملګری چې تاسو ورسره په باثباته اړیکه کې یاست.
• ستاسو د 18 کلونو څخه کم ماشومان چې مجرد دي، که د واده په وخت کې زیږیدلی وي یا بهر یا پالل شوی وي.
• ستاسو ماشوم (له 18 څخه پورته)، وروڼه یا مور او پلار په قانوني توګه د غړو هیوادونو څخه یو کې اوسیږي چې د امیندوارۍ، نوي زیږون، جدي ناروغۍ، سخت معیوبیت یا زوړ عمر له امله ستاسو په مالتړ (یا تاسو د دوی پورې تړاو لري) پورې اړه لري.

د دې کورنۍ د غړو سره د بیا یوځای کیدو لپاره، تاسو باید ژر تر ژره کډوالو د چارو لپاره د دولت ادارې ته په لیکلي ډول خپله هیله یعنی غوښتنه څرګنده کړئ البته دا کار د محافظت د غوښتنلیک سپارلو څخه 3 میاشتې وروسته.

که تاسو یو بې سرپرسته ماشوم یاست او ستاسو د کډوالۍ کړنلاره روانه ده، تاسو کولی شئ د کورنۍ غړو (مور او پلار، له 18 څخه پورته وروڼه، تره، ترور) سره د بیا یوځای کیدو غوښتنه وکړئ څوک چې په قانوني توګه په اروپايي اتحادیه کې استوګن دي. دوی باید ثابته کړي چې دوی کولی شي ستاسو ساتنه وکړي.

که ستاسو د کورنۍ سره د یوځای کیدو غوښتنلیک تصویب شي، انتقال باید د 6 میاشتو دننه ترسره شي.

که ستاسو غوښتنلیک رد شي

تاسو کولی شئ د پریکړې په وړاندې د 7 ورځو دننه اداري محکمې ته اپیل وکړئ. د محکمې پریکړه وروستۍ ده.

قانوني مرسته ترلاسه کړئ:

قانوني خدمتونه

د مرستې غوښتنه وکړئ

د لا زیاتو معلوماتو لپاره، دا ریکارډ د ویبینار څخه په 29.04.2021г کې وګورئ.