CANVA PRO free image

تازه شوی نیټه: 10/01/2023

که تاسو په بلغاریا کې د بهرني اتباع په توګه یاست، دلته دوه ډوله توقیفونه شتون لري چې تاسو یې باید په اړه پوه شئ – حتی که تاسو جرم هم نه وي کړی ممکن تاسی په دواړو حالتو کي هم توقیف شي.

د مهاجرت په حالت کي توقیف 

تاسو ممکن د مهاجرت په حالت کي هم توقیف کې واچول شئ که چیرې چارواکي پریکړه وکړي چې تاسو له بلغاریا څخه بهر کړي، د بیلګې په توګه، که تاسو بلغاریا ته په غیرقانوني توګه داخل شوي یاست یا نور په بلغاریا کې د پاتې کیدو اجازه ونلرئ.

په بلغاریا کې د مهاجرت دوه توقیف ځایونه شتون لري:

وروسته له دې چې تاسو د توقیف امر ترلاسه کړئ، یو پولیس افسر به تاسو توقیف مرکز ته بوځي.

چارواکي به ستاسو د ګوتو نښان واخلي او ستاسی به په خپل وسایل ولاړ شي.

 اوبیا به تاسو 4 اسناد ترلاسه کړئ لکه:

  • ستاسو د توقیف حکم یوه کاپي
  • د داخلی سند یوه کاپي
  • د شخصي شیانو، پیسی او قیمتي توکو لیست چې تاسو د توقیف افسرانو ته د ساتنې لپاره سپارلی دي.
  • یوه کاپي صادر شوی یا امر ستاسو هغه هیواد ته چی تاسی ورته بیرته ستنیږي باید په ګوته شي.

د پورته ټولو څلور اسنادو ساتنه مهمه ده .

تاسو د مهاجرت په توقیف کې څومره وخت پاتې کیدلی شئ

د مهاجرت په توقیف کې تر ټولو اوږده موده 18 میاشتې ده. ستاسو د لومړیو 6 میاشتو وروسته، چارواکي کولی شي دوه نور امرونه صادر کړي چې تاسو اړتیا لري تر 12 نورو میاشتو پورې پاتې شئ. تاسو کولی شئ د هر نوي حکم په وړاندې د 14 ورځو دننه اداري محکمې ته اپیل یا استناف طلبی وکړئ.

که تاسو په "لنډ مهاله توقیف" کې یاست، تاسو کولی شئ 30 ورځې پاتې شئ. لنډ مهاله توقیف د هغو کسانو لپاره دی چې په غیرقانوني توګه بلغاریا ته داخل شوي دي. چارواکي دا شرایط ستاسو د ساتلو لپاره کاروي پداسې حال کې چې دوی ستاسو هویت پیدا او رامینځته کوي او هڅه کوي ستاسو په قضیه کې راتلونکي ګامونه تعیین او وټاکي.

دا تر 30 ورځو پورې توقیف به هم د هغه وخت مودې سره وغځول شي چې تاسو په انزوا، روغتون کې درملنه یا قرنطین کې یاست. دا پدې مانا ده چې ستاسو لنډ مهاله توقیف ممکن په دې قضیو کې د 30 ورځو څخه زیات دوام وکړي.

که تاسو په توقیف کې یاست څه کولی شئ؟

لومړی اقدام : یو وکیل ومومئ.

قانوني خدمتونه

تاسو کولی شئ د نړیوال خوندیتوب غوښتنه وکړئ

بیا، تاسو کولی شئ خپل اداري حالت له "غیر منظم مهاجر" څخه "پناه غوښتونکي" ته بدل کړئ. که تاسو د توقیف مرکز څخه د پناه غوښتنه وکړئ، تاسو باید په اتوماتيک ډول خوشې شئ.

په عمل کې، دا په ورو ورو پیښیږي. د کارونو د چټکولو لپاره، تاسو او ستاسو وکیل کولی شئ د اداري طرزالعمل 250 ماده قانون پر بنسټ  محکمه ته موضوع  وسپارئ.

 ستاسو اپیل یا استناف طلبی د توقیف د حکم سره

تاسو کولی شئ د توقیف حکم په 14 ورځو کې دننه اداري محکمې ته وړاندې کړئ. تاسو حق لرئ چې د محکمې په اوریدنه  یا جلسه کې ګډون وکړئ مګر ستاسو شتون لازمي ندی.

تاسو به په محکمه کې د استیناف له ورځې څخه شاوخوا 7 ورځې وروسته پریکړه ترلاسه کړئ. که چیرې د اداري محکمې پریکړه منفي وي، تاسو کولی شئ په 14 ورځو کې دننه د سترې اداري محکمې په وړاندې اپیل یا استناف طلبی وکړئ. د عالي یا ستری محکمې نظر حتمي دی.

د توقیف حکم په وړاندې د استیناف غوښتنه کول هغې  نه ځنډوي. دا پدې مانا ده چې پداسې حال کې چې محکمه روانه وي، تاسو به خوشې نه شئ. 

د مهاجرت په توقیف کې ستاسو حقونه

تاسو حق لرئ:

  • د رواني مرستې په ګډون د طبي مرستې ترلاسه کول
  • د یو مهال ویش پر بنسټ هره ورځ بهر ته تلل.
  • د خپل اصلي هیواد د سفارت له وکیل او استازو سره لیدنه
  • د ځانګړو اړتیاو سره سم د بریښنالیک (ایمیل) لیږلو او ترلاسه کولو لپاره
  • د داسې تلیفون کارولو لپاره چې کیمره نلري
  • د کورنۍ او ملګرو څخه لیدنې ترلاسه کول

ستاسو لیدونکي کولی شي هره سه شنبه او پنجشنبه له 14:00 څخه تر 16:00 پورې لیدنه وکړي. غونډې ستاسو یا ستاسو د لیدونکي لخوا د مخکینۍ غوښتنې نه وروسته ترسره کیږي.

آیا ماشومان د مهاجرت په توقیف کې ساتل کیدی شي؟

که تاسو د 18 کالو څخه کم عمر لرئ او په بلغاریا کې ستاسو د مور او پلار پرته، د بلغاریا قانون مطابق تاسو د مهاجرت په توقیف کې نه شئ ساتل کیدی. که تاسو توقیف شوي یاست سم دلاسه د وکیل سره اړیکه ونیسئ.

په هرصورت، ماشومان کولی شي په توقیف کې د مور او پلار سره یوځای شي، مګر د 3 میاشتو څخه زیات نه وي.

د پناه غوښتنې توقیف

که تاسو پناه غوښتونکي یاست، چارواکي کولی شي تاسو ته د استوګنې په یوه تړل شوي مرکز کې ځای په ځای کړي چې د کډوالو لپاره دولتي اداره (SAR) یې اداره کوي. د پناه غوښتنې یوازینی موجود مرکز د بوسمانتسی (Busmantsi) توقیف مرکز کې دی.

ستاسو د توقیف لامل کیدای شي دا وي چې چارواکي غواړي:

  • د خپل هویت یا تابعیت معلومولو یا تصدیق کولو لپاره
  • د هغو حقایقو او شرایطو رامینځته کول چې تاسو د نړیوال خوندیتوب لپاره غوښتنه کړې کله چې دا په بل ډول نشي ترلاسه کیدی او د تېښتې خطر شتون لري.
  • د ملي امنیت او عامه نظم ساتنه
  • د دې معلومولو لپاره چې د اروپایي اتحادیې کوم غړی هیواد ستاسو د غوښتنلیک د څیړلو مسؤلیت لري، کله چې د تیښتې جدي خطر شتون ولري.

د 2017 کال د سپټمبرمیاشتي راهیسې، په بلغاریا کې پناه غوښتونکي په 4 زونونو کې محدود دي. که تاسو ټاکل شوې سیمه دوه ځله پرته له اجازې پریږدئ، تاسو د خپل پاتې پروسې لپاره د پناه غوښتنې توقیف ته د لیږدولو خطر لرئ.

تاسو د پناه غوښتنې په توقیف کې څومره وخت پاتې کیدلی شئ

تاسو به د پناه غوښتنې د ټول طرزالعمل د شرایط د تکمیل پوری توقیف شئ. د بلغاریا د قانون له مخې د پناه غوښتنې د پروسې اعظمي موده ۲۱ میاشتې ده.

تاسو د دې په اړه څه کولی شئ

لومړی کار: یو وکیل پیدا کړئ.

قانوني خدمتونه

بیا، تاسو او ستاسو وکیل کولی شئ ستاسو د توقیف حکم د ترلاسه کولو له ورځې څخه د 14 ورځو دننه اپیل وکړئ. ستاسو د استیناف  محکمې حکم یا پریکړه به وروستۍ وي.

تاسو کولی شئ یو غوښتنلیک هم وسپارئ چې د مهاجرینو له دولتي ادارې SAR څخه وغواړي چې ستاسو توقیف باندی بیاکتنه وکړي. SAR باید په 7 ورځو کې پریکړه وکړي. تاسو د SAR پریکړې اپیل کولو لپاره 14 ورځې وخت لرئ. ستاسو د استیناف په اړه د محکمې حکم یا پریکړه به وروستۍ وي.

د پناه غوښتنې په توقیف کې ستاسو حقونه

تاسو د پناه غوښتونکو ټول حقونه لرئ، د پناه غوښتنې په توقیف موده کې، مګر ستاسو آزادي محدوده ده.

له دې پرته، تاسو حق لرئ:

آیا ماشومان د پناه غوښتنې په توقیف کې ساتل کیدی شي؟

په بلغاریا کې د 18 کالو څخه کم عمر لرونکي پناه غوښتونکي ممکن د وروستي اقدام په توګه د پناه غوښتنې په توقیف کې توقیف شي. د قانون له مخې، دا توقیف باید د امکان تر ټولو لنډ وخت وي، مګر قانون اعظمي وخت نه شی ټاکلی.

د توقیف په مرکز کې د پاتې کیدو پرمهال، تاسو د زده کړې حق لرئ او تاسو باید فرصت ولرئ چې ستاسو د عمر سره سم په تفریحي او نورو فعالیتونو کې برخه واخلئ. په هرصورت، په عمل کې، تاسو تل دا فرصت نه ترلاسه کوئ.

نور وګوره
په بلغاریه کې د توقیف لپاره بدیلونه