05/02/2024
که تاسو د ماشوم تمه لرئ یا تاسو په دې وروستیو کې په بلغاریا کې ماشوم زیږدلي وي، دلته یو څو مراحل شتون لري چې قانون تاسي مکلف کړي چې ترسره کړي. پدې مقاله کې به موږ تاسو ته د دي پروسې له لارې ګام په ګام لارښوونه وکړو.
لومړی ګام: په بلغاریا کې د خپل ماشوم زیږون ثبت کول
ستاسو د ماشوم زیږون به د روغتون په راجستر کې ثبت شي چیرې چې تاسو ماشوم زیږیدلی. د 5 ورځو دننه (پرته له دې چې د اصلي زیږون ورځ شمیرل کیږي) روغتون قانوني مکلفیت لري چې د زیږون اطلاع په ښاروالۍ کې د ملکي راجستر دفتر ته واستوي چیرې چې ستاسو ماشوم زیږیدلی. دی مدني ثبت نه به وروسته ستاسو د ماشوم لپاره د زیږون سند چمتو او صادر کړي(دوهمه مرحله وګورئ).
د زیږون اعلان یا اطلاع یوازې د لاندی کسانو لخوا ترسره کیدی شي:
د روغتون مشر چیرې چې زیږون شوی وي؛
وړ طبي پرسونل، کله چې زیږون په طبي موسسه کې نه وي شوی (د بیلګې په توګه ستاسو د ماشوم د ماشومانو ډاکټر)؛
د ملکي راجسټری یو مامور (کیدای شي د هغه ځای ښاروال وي چیرې چې تاسو اوسیږئ)، کله چې په هغه ښار/کلي کې چې تاسو ماشوم زیږیدلی وي هیڅ وړ طبي پرسونل شتون نلري.
د ماشوم نوم
د زیږون ثبت کولو لپاره تاسو اړتیا لرئ د خپل ماشوم لپاره نوم غوره یا انتخاب کړئ.
د هغه ماشوم نوم چې د بلغاریا تبعه نه وي، مګر د بلغاریا په خاوره کې زیږیدلی او د مور او پلار لخوا اعلان شوی او ثبت شوی وي.
که د مور او پلار څخه یو د بلغاریا تبعه وي، نو د بلغاریا د قوانینو له مخې ماشوم به درې نومونه ترلاسه کړي - لومړی نوم، د پلار نوم او یو تخلص (د میراث څخه). د پلار نوم او تخلص به د ماشوم د جنس پورې اړوند -ov/-ev یا -ova/-eva سره پای ته ورسیږي. پرته لدې چې د پلار نوم یا تخلص دې پای یا وروستاړي (پس وند) ته اجازه ورنکړي یا دا د والدینو د کورنۍ ، توکمیز یا مذهبي دودونو سره په ټکر کې وي.
که چیرې پلار نا معلوم وي، نو ماشوم به د مور نوم او تخلص ترلاسه کړي.
څوک به زما د ماشوم د پلار په توګه ثبت شي؟
که تاسو واده کړي وي
په بلغاریا کې د قانون له مخې پلار د مور میړه دی. له همدې امله، په اوتومات ډول ستاسو میړه به ستاسو د ماشوم پلار په توګه ثبت شي.
که چیري تاسي واده کړي وي د ثابتولو لپاره تاسو باید د ژباړل شوي واده سند وړاندې کړئ که چیرې واده د بلغاریا څخه بهر ترسره شوی وي.
که تاسو له 300 ورځو څخه دمخه طلاق اخستي وي
په دې حالت کې، که تاسو بیا واده نه وي کړی، په اتوماتيک ډول به ستاسو پخوانی میړه ستاسو د ماشوم پلار په توګه ثبت شي. که له 300 څخه زیاتې ورځې تیرې شوي وي ستاسو پخوانی میړه به ستاسي د ماشوم د پلار په توګه ونه پیژندل شي.
د دې لپاره چې ثابت کړئ چې د طلاق څخه څو ورځې تیرې شوي دي تاسو ممکن د طلاق رسمي پریکړه وړاندې کولو ته اړتیا ولرئ. دا پریکړه باید ژباړل شي، په هغه صورت کې چې تاسو د بلغاریا څخه بهر طلاق اخستي وي.
که تاسو نه واده کړی وي، او نه طلاق شوی یاست
په دې حالت کې، تاسی کولي شي چي یو بیولوژیکي پلار(یعنی یو انسان) د ماشوم د ملکي راجستر چارواکو ته وړاندې کړي.
پلار کولی شي ماشوم وپیژني:
په شخصی ډول د یو غوښتنلیک سره چې د ملکي راجسټری چارواکو ته سپارل شوی. تاسو کولی شئ دلته د پیژندنې غوښتنلیک نمونه ډاونلوډ کړئ؛
د نوټري یا بیانیه لخوا د نوټر شوي لاسلیک سره د اعلامیې سره تاسو کولی شئ دلته د اعلامیې نمونه ډاونلوډ کړئ.
دا اعالمیه باید د ملکي راجستر چارواکي ته وسپارل شي. دا د طبي تاسیساتو مدیر ته هم سپارل کیدی شي چیرې چې ستاسو ماشوم د زیږون پرمهال زیږیدلی وه.
د پورته ذکر شویو اسنادو سربیره دلته ځینې نور اسناد (کاغذونه) دي چې تاسو ورته اړتیا لرئ:
د دواړو والدینو(مور او پلار) د هویت اسناد لکه پاسپورت یا د اوسیدو جواز.
که تاسو د نړیوال خوندیتوب د ورکولو په کړنلاره یا پروسه کې یاست، نو تاسو کولی شئ خپل د پناه غوښتنې د ثبت کارت وړاندې کړئ، که تاسو د هویت اسناد ونلرئ.
د رضایت فورمه چې د مور لخوا لاسلیک شوی وي چې هغه کي د پیژندنې سره موافق ولړي. دا به د پیژندلو پروسه ګړندۍ کړي.
دا د رضایت فورمه د نمونې پیژندنې غوښتنلیک کې شامله ده کوم چي پورته چمتو شوي. مور باید چې غوښتنلیک سند لاسلیک کړي، نو ځکه، دواړه والدین باید د غوښتنلیک سپارلو په وخت کې په شخصي توګه حاضر وي. که چیرې پیژندنه د نوټر شوي اعالمیې سره ترسره شي، نو له نوټري څخه وغواړئ چې دا ډول بند یا ماده شامله کړي. یو ځل بیا، دواړه مور او پلار باید په نوټری کې حاضر وي ترڅو خپل لاسلیکونه وکړي.
که پلار نا معلوم وي
بیا د زیږون په سند کې پلار به د نامعلوم په توګه ثبت شي.
2 ګام: د زیږون سند صادرول
ستاسو د ماشوم د زیږون څخه وروسته د 7 ورځو دننه (پرته له دې چې د اصلي زیږون ورځ حساب کړي) د ښاروالۍ د ملکي راجستر/ثبت چارواکي قانوني مکلفیت لري چې ستاسو ماشوم ته د زیږون سند صادر کړي.
د زیږون سند به عموما داسې ښکاري:
د دې سند د ترلاسه کولو لپاره دواړه مور او پلار (پرته له دې چې تاسو یو واحد مور یاست) باید د ښاروالۍ اړوند ملکي ثبت دفتر ته لاړ شي چیرې چې ماشوم زیږیدلی او ثبت شوي او د هغې لپاره غوښتنه یا وړاندیز وکړئ. دا خدمت وړیا دی او تاسو اړتیا نلرئ چی فیس ورکړئ.
د صوفیا په ښارګوټي کې، د هغو ماشومانو لپاره چې بهرنيانو کي زیږیدلي د زیږون سند لپاره د تریادیتسا ښاروالۍ، 54 الابین سړک، دوهم پوړ کې ترلاسه کیدی شي. کله چې تاسو هلته ورسیږئ، تاسو باید چې د ماشین څخه شمیره ترلاسه کړئ او خپل وار یا نوبت ته انتظار وکړئ.
اړوند ملکي راجستر معمولا د غوښتنلیک په ورځ د زیږون سند کي صادریږي ، مګر ځینې وختونه تاسو ته د څو ورځو انتظار کولو غوښتنه کیږي. د زیږون لومړی سند چې تاسو یې ترلاسه کوئ د "اصلي" ټاپه به ولري. د زیږون بل هر سند چې تاسو یې له هغې وروسته صادر کوئ، د "نقل یا مثنآ " په نوم یادیږي او تاسو اړتیا لرئ چې د نوي صادرولو لپاره له 3 څخه تر 10 لیوا فیس تادیه کړئ.
زه کوم اسنادو ته اړتیا لرم چې د زیږون سند صادر کړم؟
تاسو اړتیا لرئ:
د غوښتنلیک فورمه. دا فورمه به تاسو ته د ملکي راجستر په میز کې درکړل شي.
د مور او پلار د هویت اسناد یا د پناه غوښتنې د ثبت کارتونه (مګر که تاسو واحد مور او پلار یاست)؛
که چیري د پلار لخوا مربوط د پیژندنې غوښتنلیک یا د نوټري لخوا د نوټر شوي لاسلیک سره اعالمیه ترسره شوي وی(پورته برخه وګورئ، "څوک به زما د ماشوم پلار په توګه ثبت شي؟")
که چیرې د زیږون سند په 7 ورځو کې صادر نه شي څه به وشي؟
که چیرې د زیږون اعلان شوی وي یا د راجسټریشن ملکي چارواکي د زیږون په اړه خبر شوي وي، د زیږون سند به په هماغه کال کې صادر شي چې زیږون شوی وي.
که چیرې د 7 ورځو موده او د تقویم کال پای ته ورسیږي، د زیږون سند یوازې د مور او پلار، ماشوم یا څارنوال په غوښتنه د محکمې پریکړې پراساس صادر کیدی شي. په دې حالت کې، موږ تاسو ته مشوره درکوو چې د یو وکیل سره مشوره وکړئ.
آیا زما ماشوم به د بلغاریا تابعیت ترلاسه کړي؟
ستاسو ماشوم نشي کولی د بلغاریا تابعیت تر لاسه کړی پخاطر د دی چې هغه په بلغاریا کې زیږیدلی وي. هغه څه چې معمولا پیښیږي دا دي چې ماشوم د مور یا پلار د تابعیت سره د پیژندني اسنادو پراساس چې وړاندې شوي او ثبت شوي.
که د مور او پلار څخه یو د بلغاریا تبعه وي، نو ماشوم به هم د بلغاریا د تبعه په توګه ثبت شي.
بې وطنه ماشومان هم کولی شي د بلغاریا اتباع شي که:
دوی د بلغاریا په خاوره کې زیږیدلي دي؛ او
دوی نشي کولی تابعیت ترلاسه کړي کله چي د دوي مور او پلار او یا که دواړه مور او پلار بې وطنه وي.
که ستاسو ماشوم د بې وطنۍ وي او له خطر سره مخ هم وي، مهرباني وکړئ دا مقاله ولولئ:
بې وطنه زیږیدلي ماشومان په بلغاریا کې
دریم ګام: خپل ماشوم د کډوالو لپاره په دولتي اداره کې راجستر کړئ
که تاسو د نړیوال خوندیتوب لپاره روانه کړنلاره لرئ، تاسو باید ژر تر ژره خپل ماشوم د کډوالو لپاره د دولتي ادارې سره راجستر/ثبت کړئ.
دواړه مور او پلار باید د کډوالو کمپ ته لاړ شي چیرې چې ستاسو د پناه غوښتنې قضیه بیاکتنه کیږي او د نوي زیږیدلي ماشوم لپاره د پناه غوښتنې غوښتنلیک وسپاري.
که یوازې په بلغاریا کې یوازي یا مجرد والد یا والده وي، تاسو کولی شئ دا غوښتنلیک یوازې وسپارئ. که نه نو، دواړه والدین باید حاضر وي.
څه راوړي یا راوړو
د ماشوم زیږون سندره
د مور او پلار دواړه د پناهندګۍ د ثبت کارتونه، یا که یو یوازی پلار یا مور – یعنی یوازی تاسی.
- Log in to post comments
